Jou nuwe kuierplek. Welkom by die enigste virtuele koffiekroeg op die internet!

Met ’n tikkie verbeelding en die minste konsentrasie, kan jy jouself verlustig aan ons versnaperinge. Ons spyskaart offer goeie leesstof, terwyl ons jou verbeelding op ’n drafstap neem.

Krap hierdie knoppie – indien jy varsgemaalde koffie ruik, is jou verbeelding reg ingeskakel!

Om aankope te doen – klik op die BOEKWINKEL (bo) balkie. Jy kan die boek se titel in die soekknoppie tik en siedaar!

Klik op die BESTEL NOU balkie.

Kies jou FORMAAT – eBoek of sagteband.

Klik op die ‘add to chart’ balkie.

Klik op ‘Proceed to checkout’.

Vul jou VOLLEDIGE details in en maak jou betaling. Klik ‘Place Order’.

Ontspan en beleef die atmosfeer - sagte musiek, die reuk van varsgemaalde koffie en 'n baksel boerebeskuit uit die oond. Het jy 'n koffie byderhand? Wat van 'n heerlike toebroodjie of 'n vet sny koek!

LEES HIER

Wanneer jy die balkie ‘Lees hier’ klik, sal die boek oopmaak op ‘n bladsy. Jy kan ‘n voorsmakie lees uit die boek. Skuif jou muis na die onderkant van die bladsy. ‘n Grys gedeelte verskyn. Klik op die pyltjie wat af wys en die volgende bladsy sal verskyn. Jy kan die bladsy se grootte verstel om aan te pas. Geniet dit.

STORIES, VERTELLINGS EN PENMERKE

Stergradering: GOUD

DAAR’S SAND IN MY ARE – Marika du Toit-van Heerden

Wanneer ‘n ervaring homself met woorde begin vorm en hy in sinne begin stap met ’n geïnspireerde skrywer se hartsnare wat die leisels hou, word ‘n storie die lewe gegun. Hierdie bundel neem die leser op ’n roete deur die Boesmanland, die Karoo en Namibië. Ontmoet wonderlike karakters en ervaar die ritme en die grasie van die natuur, die mens en dier.

VOORGEREG - Uit hierdie Valkenburg

‘n Nuwe digter wat in die grendeltyd sy debuut gemaak het, is die oud-onderwysman en dramaturg van die Paarl, Ernest Loth. Hy skilder al vir ʼn geruime tyd en het nou ook weer die kwas van die esel afgehaal. Hierdie gedigte skryf hy tussen 27 Maart en 30 April 2020 – ‘toe die digter saam met die hele Suid-Afrika en die res van die wêreld afgesonder was.’

 Van sy dramatekste verskyn in ʼn gesamentlike bundel met George Weideman, Klaas Steytler en Hennie Aucamp.

'n Lekkerny vir soet kinders!

DIE NAG TOE DIE MAAN GEVAL HET – Bets Koen

Hierdie boek bevat besonderse illustrasies wat hierdie pragtige kinderboek komplimenteer. Bets Koen se verhaal is beslis iets wat enige kind sal wil bewaar!

Kyk na die hemel daarbo.
Hy is altyd daar, so wil ons glo.
Die maan, ’n groot ronde bal
Sal hy regtig val?

LEKKERBEKIGE KOMEDIE - Riaan Palmer

STERGRADERING: GOUD

Die Heilige Koeie se moe is ʼn bundel vol onheilige gedagtes. Dit vra waaroor moe die Heilige Koeie nou weer. Wie is die tannies in hulle Fortuners en waarheen is hulle op pad? Wat is badbomme en hoe werk dit nou eintlik? Waarnatoe hardloop die mense wat ons langs die pad sien? Vlug hulle vir iemand? Hoekom moet die toilet se sitplek plat wees?

Die versameling humoristiese kommentaar en staaltjies verduidelik hoekom Riaan Palmer altyd in die moeilikheid is. 

PETRONELLA, KONINGIN VAN DIE KAROO – Nico Schamrel 

Lokteks:

Op twee plase in die Karoo rus ʼn berg met die lyf van ʼn dier en ʼn kop van ʼn roofvoël. Daar maak die kransaasvoëls nes. Op daardie berg lê die spore van onvrede en onmenslikheid, skandes en klug – en daardie spore loop net na een plek ..

‘N STORM IS VERBY – Ronel Dunn

“Weet jy hoekom is ek nie gelukkig nie?” het hy vir die son gevra, maar nie gewag vir ‘n antwoord nie.

“Omdat ek nog steeds na jou soek. Ek het probeer, maar ek kan jou in geen vrou vind nie.”

‘n Gelukkige, lewensblye jeug waarborg nie ‘n volwasse lewe van maanskyn en rose nie. Liefde het soms ‘n heel ander gesig as wat ‘n mens jou kan voorstel. En altyd is daar keuses…

Dis 1901, Lambertsbaai. Die Sybille lê op die rotse, gestrand.
Wat sal die koms van hierdie skip vir die Burger-familie van die plaas Steenbokfontein inhou?
‘n Stryd ontstaan tussen Boer en Ingelsman. Wie sal dan die fraaie Martjie se hand en liefde wen?
Soms moet ‘n mens ‘n drastiese stap neem om te kry wat jou hart na smag.
Die verhaal van Martjie en haar Ingelsman is ‘n verhaal vol intrige.

SIELSKOS

Die prag digbundel van Magdalie Grobler – Oktoberkind – is nou beskikbaar by ons aanlyn winkel.

Oktoberkind is Magdalie hart en siel op papier, ʼn versameling gedigte wat ʼn geskrewe rekord is van wie ek is wanneer die wêreld nie kyk nie. Met die verskyning van haar bundel Oktoberkind, stel Magdalie Grobler haar talent as digter ongebonde ten toon.