Onder die heilige koeie se stert

ONDER DIE HEILIGE KOEIE SE STERT: Maak seker jou hartklop is reg vir hierdie boek se lekkerlag!

Na die publikasie van Die Heilige Koeie se moe, het hoogsontstelde Frikkie’s, Magriet’e en Karen’s Riaan Palmer se huis met ketties begin skiet. Hy het besluit om uit moedswilligheid hierdie boek, Onder die Heilige Koeie se stert, te skryf. Geen Heilige Koei word met rus gelaat nie en almal se geheime word uitgelap. Die leuens wat oor blomkool vertel word, hoekom bruidegomme nie hoef troue toe te gaan nie, wat mense wie te hard praat op hulle selfone met daai selfone moet doen, hoe om nie wyn te proe nie en suurstofdiewe, vorm deel van die geheime. Hy lap ‘n paar geheime uit wat net mans mag lees … nié dames nie! Hy laat glip ook ‘n paar van sy eie skandalige geheime uit. Dan praat ons nie eers oor die gesprek met die kopdoek-antie nie.

As jy breed wil glimlag, wil vergeet van jou bekommernisse of beter wil voel terwyl jy wag dat die krag aankom, is hierdie boek vir jou.