Want klippe lieg

WANT KLIPPE LIEG

Na sy pa se dood sukkel Wynand om sy pa se stories te onthou. Hy begin om die stories op sy unieke manier neer te pen as nalatenskap vir sy kinders en sy familie.  Hoe meer hy skryf, hoe meer terapeuties vind hy dit om sy pa se skielike afsterwe te verwerk.

Want Klippe lieg is ’n prettige bundel kortverhale wat op ’n tong-in-die-kies manier die doen en late vertel van die Schoemans van Wilgerkloof. Die stories sal jou laat lag, jou laat huil en sal jou laat wonder of alles die waarheid is. Op die minste sal die stories vasgevang word vir eendag as niemand meer daar is om die stories te vertel nie. Maak maar tyd om Want klippe lieg te lees, want as jy eers begin, kan jy nie die boek neersit nie.