Ns. Skrywershuis gee eer aan hulle wat bydra tot die behoud, ondersteuning en ontwikkeling van Afrikaans.

Hierdie is ook ‘n blad waarop ons ons dankbetuiging toon teenoor hulle wat onbekende en talentvolle skrywers ondersteun en bevorder. 

UIT MAROELA MEDIA: Allers het voorheen in 54 lande as buitelandse korrespondent vir die SAUK gewerk. Sy laaste werk vir Suid-Afrikaanse produksies was 20 jaar gelede met Trippe Trappe Trone wat hy saam met Amanda Strydom vir kykNet gedoen het en daarna ʼn kort reisprogram, Veertig Dae deur die Delta, saam met Valiant Swart deur die suide van Amerika.

SY BYDRAE: Johan Allers se voorlesings uit verskeie Afrikaanse werke word luisterryk aangehoor. Hy dra by tot die bekendstelling van onbekende skrywers en skep ’n platform waar Afrikaans tot haar reg kom as Moedertaal. Ons kan in alle nederigheid op hierdie eenvoudige manier ons dankbaarheid teenoor hom toon as bydraer tot die bevordering van Afrikaans en talentvolle skrywers.

HEIN VAN WYK – die stigter en dryfveer van Kaapstad Radio met ’n passie vir Afrikaans. Kaapstad Radio is een jaar oud en ons vier graag hierdie spesiale dag saam met hulle.

Ns. Skrywershuis en AllesAfrikaans wens Hein van Wyk en die vrolike span van Kaapstad Radio baie geluk met ‘n jaar se bestaan.

ONS DANKBETUIGING: Ons is trots op ‘n radiostasie wat met passie bydra tot die ontwikkeling van ons taal, maar wie ook ons talentvolle skrywers en digters ondersteun. Kaapstad Radio was eerste om ons die geleentheid te gee om talentvolle skrywers se werk voor te lees en later as leesbeeld aan te bied – onder die vaandel van AllesAfrikaans – met kletsstem, Johan Allers. Dankie, vir die ondersteuning en bereidwilligheid – nie net teenoor ons skrywers nie, maar ook teenoor die luisteraars van Kaapstad Radio.

ANNELINE KRIEL – BACON word op negentienjarige ouderdom ons bekendste Mej. Suid-Afrika en Mej. Wêreld in 1974.

Anneline was ons keuse om ons liefdadigheidprojek – My Gebed vir ʼn Boer – te verteenwoordig as ambassadeur. Haar passie en lojaliteit teenoor die veiligheid van boere in Suid Afrika word duidelik aangeraak in menigte onderhoude en publieke optredes.

HAAR BOODSKAP: My gebed – Al gaan ek in ’n dal van doodskaduwee, ek sal geen onheil vrees nie want U is met my!

Here Jesus bring versagting in die hart van die bose wat dwaal tussen die boere op hulle plase in Suid-Afrika – wat met wreedheid en haat in hulle hart terreur en smart bring vir soveel boere en hulle families.

Ons bid vir ‘n uitkoms vir ons land en sy mense wat vasgevang is deur n leierskap wat nie omgee vir sy mense nie!

I pray dear Lord for a miracle. A miracle to renew our country, eliminate evil, hatred and the wrongdoing which is denying our beautiful country and all its people to live in peace and harmony.

Amen.

ONS EER HAAR: Ons gee graag eer aan ʼn vrou wat ons projek ter harte neem en bedank haar vir haar boodskap van hoop, omgee en vrede in Suid-Afrika. Ons bied aan haar ʼn ereplek in die harte van ons boere met groot erkenning vir haar werk, maar ook vir wat sy voorstaan.

WIE IS AMANDA? Gebore en getoë in Johannesburg, trou Amanda Claassens met ’n Vrystater, welke huwelik reeds in 2020 die veertigjaarmerk oorgesteek het. Hulle is geseën met twee dogters en drie kleinkinders, met ’n vierde een op pad, en woon sedert 1983 in Kempton Park.

Amanda gee ’n korporatiewe loopbaan in finansies prys, en werk vir baie jare as ’n korttermynversekeringskonsultant vir ’n private makelary, totdat sy twee jaar gelede uitgetree het. Sy het vanuit haar tuiskantoor gewerk, wat aan haar beweegruimte gegee het om kinders groot te maak en geld te verdien uit haar fotoplakwerkstokperdjie. Later volg sy ’n paar skryfkursusse. Dit lewer ’n klompie gepubliseerde kortverhale en ’n rits onvoltooide manuskripte op. Vra jy vandag na haar beroep, sal sy tong in die kies beweer dat sy professioneel lees. By ’n boekwinkel kan sy nie verby hou nie. Haar ander groot passie is hekelwerk.

HAAR BYDRAE: Amanda se bydrae tot die skrywersmark is van onskatbare waarde. As resensent skryf sy lesersindrukke op PENPUNT, verskeie sosiale media platforms en Goodread. Ons wil haar eer vir haar ontbaatsugtige diens, lojaliteit en belangstelling wat sy toon teenoor elke ‘onbekende’ skrywer.