Drake se grootste wens is om op die skool se kriekettoer te kan gaan, maar dit is duur - baie duur. Die werk as usher by ‘n obskure teater lyk na ‘n goeie plan. Totdat dit nie meer is nie …
Hy word vasgevang in ‘n nagmerrie van gevaar, vampires en vreesaanjaende slapendes.
Riekie Greyling se liefde vir skryf het begin nog voordat sy skool toe is. Haar ouer broer het geduldig, elke middag wanneer hy van die skool af kom, haar leer skryf. So het die lewenslange liefde vir woorde, skryf en lees begin. Stories laat jou droom, nuwe plekke ontdek, mense ontmoet, avon-ture beleef. Dit laat jou toe om meer as een lewe te leef.
Kayla en die smokkelaars is haar tweede jeugverhaal wat die eerste boek is in ’n toekomstige reeks. Haar eerste gewilde jeugverhaal, Nie alle vampires skitter nie, het reeds verlede jaar verskyn, asook haar kinderboek, Jan-sê-nou-net.
