Wanneer Cupido se pyltjie tref, is dit te laat om terug te draai op ʼn eensaampad, selfs al het die liefde jou aanlyn gevind.
Wanneer ken ʼn mens iemand werklik en hoe ver sal jy gaan om jou liefde te beskerm?
Soms het selfs ʼn mossie geen ander uitweg nie as om te vlug.
'n Onverwagse en verrassende ontknoping is beslis gewaarborg.
About the Book
Bets Koen skryf ‘n meesterstuk met ‘n kundige pen en goeie navorsing. Wat is meer verfrissend in ‘n roman as ‘n verrassende ontknoping en ‘n onverwagse wending in ‘n verhaal. Selfs agter die titel skuil daar ‘n geheime betekenis! Nico Schamrel
Bets Koen is ‘n begaafde skrywer. Uit haar pen vloei ‘n hele paar boeke wat nie te versmaai is nie.
In Mossievlug, bevind Irina haar in ‘n netelige posisie. Dit is by haar ingedril dat sy eendag ‘n opdrag moet uitvoer – ‘n opdrag wat haar kan maak of breek. In Rusland is dié wat met sekere dinge in die weermag gemoeid is, se woord wet. Jy kan dit aanvaar of vlug. Irina is deeglik bewus van die gevolge.
Wanneer Irina die aantreklike, Heinz du Randt van Suid-Afrika, aanlyn ontmoet, is sy verlief. Gaan Irina een of ander tyd vir Heinz inlig oor wie sy is en gaan hulle die wedersydse liefde kan beskerm? Sal hulle soos ‘n mossie wat geen uitweg het nie, kan vlieg?
Ek het Bets Koen se skryfstyl gemaklik, gesaghebbend en boeiend gevind. Die behendige wyse waarop sy die teks rangeer dui daarop dat sy haar navorsing deeglik onder die knie het en haar onderwerp goed verstaan. Sy bied ‘n leeservaring wat só baie perspektiewe en wendings aan die leser bied. Ek voel dat ek bykans elke karakter leer ken het en geraak is deur hulle optredes, insig tot hulle keuses, sonder dat ek een keer dieper moes delf. Mossievlug is ook ‘n verhaal wat hom leen tot ‘n vinnige tempo met die een aksie belaaide oomblik na die volgende. Dit het die emosionele spanningslyn laat slaag en die ontknoping ekstra inpak gegee.
Dit staan buite alle twyfel dat hierdie boek aanbeveel kan word aan enige leser wat ‘n goeie spanningsroman geniet. – Annalize Hills – Onafhanklike Resesent
Endorsements
Ek is nou nie een van die slim mense wat kan praat van hoe die storielyn ontvou ensovoorts nie. Wat ek wel kan sê is dat ek die boek baie geniet het. Die storie het my geboei en ek kon nie wag om te lees wat gebeur nie.
Ek gaan beslis nog van jou boeke lees!
– Rhita Coetzee - skrywer, dosent
'n Roman wat mens aan die raai hou en dan die ontknoping wat mens glad nie verwag nie. Uitstekende skryfwerk!
– Bonita Marx, NMMU
Book Club Resources
Order Now
About the Author
