SPLINTERWOORDE: Die klompie lekkerlees kortverhale is gebaseer op skrywer se grootwordjare op sy geboortedorp, Napier.
Die Overberg is en was nog altyd sy skuilte waar hy heen kon reis om sy kragte te hernu. In die bundel probeer hy ’n venster skets waardeur die leser die Overberg kan verken. Van die verhale neem jou op ’n reis deur die pragtige omgewing met mooi herinneringe oor sy lewe.
Tussendeur wissel hy die bundel af met verhale oor die pandemie en die impak wat dit op veral die mense van die Kaapse Vlakte gelaat het. Enkele moderne probleme soos klimaatsverandering word ook in sekere verhale belig. Die skrywer skroom nie om sy misnoeë oor die staat se hantering van die pandemie uit te lig nie.
Met die bundel, Splinterwoorde, ondersoek hy die skryfproses. Saam met dit alles leer ons ook iets van die misterieuse wat in sy werk aangetref word. Willemse delf ongestoord in die wêreld van die mistieke.
Alhoewel die plekke en name bekend klink, is die verhale en karakters fiktief.
Die skrywer nooi die leser uit om saam om die kombuistafel te kom sit, voor die brandende swart houtstoof en om van doerietyd se dinge te lees.
SPLINTERWOORDE is n kortverhaalbundel met unieke storievertellings oor 'n wye verskeidenheid genres,. 'n Unieke Afrikaanse literêre werk.
Dit is min dat mens ‘n kortverhaalbundel raakloop met soveel verskeidenheid in storievertellings, maar ook die erns en nostalgie.
Die boek is puik geskryf wat erkenning gee aan Karel WIllemse se ondervinding in die joernalistiek en as afgetrede onderwyser.
Van die staanspoor af vind die leser hom/haarself in ‘n semi-fantasieverhaal wat mens kan glo is die tipe vertelling wat ‘n kind se verbeelding kan aangryp om ‘n kombuistafel voor ‘n ou Dover stoof. Dit is juis wat hierdie boek so unieke maak – die afwisseling in verhale en lekkerlees daarvan. WIllemse gebruik ook kontreitaal of daardie unieke woorde van sy mense en kultuur wat juis self die mense so uniek maak.
Moenie skroom nie – hierdie is ‘n uitstekende leesstof en baie goed versorg.
SPLINTERWOORDE is n kortverhaalbundel met unieke storievertellings oor ‘n wye verskeidenheid genres,. ‘n Unieke Afrikaanse literêre werk.