Wynand Schoeman ag homself ’n plaaskind in murg en been. Sy voorgeslagte het vir jare in die Oos-Kaap naby Grahamstad geboer. Hy het ’n B.Sc honeursgraad in Konstrukiebestuur aan die Universiteit van die Vrystaat verwerf. Wynand werk as ’n vryskut konstruksie- en kontrakbestuurder in Gauteng. Hy is woonagtig in Centurion. Hy is 18 jaar getroud met sy universiteitsliefde, Simoné, maar hulle is al meer as 25 jaar aan mekaar se sy. Hulle het twee kinders, Cara (15) en Hendro (13).
Alhoewel hy vandag in die stad bly, boer hy nog met Pinzgauer-beeste en ’n paar skape. Hy bou Landrovers op in sy vrye tyd, en het sy eie vleiskamer waar die jagseisoen se bokke verwerk word.
Hierdie is Wynand se eerste boek.
Want klippe lieg
Want Klippe lieg is ’n prettige bundel kortverhale wat op ’n tong-in-die-kies manier die doen en late vertel van die Schoemans van Wilgerkloof. Die stories sal jou laat lag, jou laat huil en sal jou laat wonder of alles die waarheid is. Op die minste sal die stories vasgevang word vir eendag as niemand meer daar is om die stories te vertel nie. Maak maar tyd om Want klippe lieg te lees, want as jy eers begin, kan jy nie die boek neersit nie.
More info →