Hierdie boek ondersoek suksesvolle veroudering, gedefinieer as die vermoë om aktief aan maatskaplike aktiwiteite deel te neem stelselmatig.
Met verwysing na historiese insigte en 'n wye verwysingsraamwerk, ondersoek dit die ontwikkeling van hedendaagse opvattings oor veroudering; die sosiologiese, sielkundige en fisiologiese prosesse van veroudering; ouderdomsverwante diskriminasie; finansiële aspekte van veroudering; die oënskynlike teenstrydigheid dat daar sowel welvaart as toenemende armoede in die verouderende bevolking is; onvanpaste seksuele uitdrukking by bejaardes; die idee van die Derde Leeftyd; en die strewe om die lewensduur van die mens te verleng. 'n Deeglike literatuuroorsig, die skrywer se persoonlike ervaring as ouer persoon en as mediese dokter wat oor vyf dekades strek, en die skrywer se kennis van etiek het bygedra tot hierdie toeganklike en insiggewende teks wat op 'n wye gehoor gemik is: enersyds gesondheidswerkers, versorgers, terapeute, etici en elke persoon wat ouer persone, professioneel en privaat, bystaan; andersyds elkeen wat worstel met die mees fundamentele bestaanskrisis, tewete veroudering. En dit is elkeen van ons.
LESERSINDRUK – WALTER CLAASSEN was Viserektor (Navorsing) aan die Universiteit Stellenbosch. Daarna was hy ook betrokke by die Universiteit van Wes-Kaapland, en by tye op nasionale vlak, op die gebied van digitale vaardigheids-ontwikkeling.
Bemeester Veroudering! deur Malcolm de Roubaix is ʼn besondere boek wat interessante en insiggewende leesstof bied vir ʼn baie wye verskeidenheid mense wat be-lang het by die tema van veroudering, òf omdat hulle hulself in die ouer leeftyd be-vind of familie in daardie leeftyd het, òf omdat hulle self op pad is daarheen – en dit raak ons almal, soos die skrywer ook dikwels in sy boek in verskillende kon-tekste sê.
Die skrywer het dit oor die proses van ver-oudering wat eintlik begin lank voor dit wat tipies as “aftreetyd” beskou word; vir po-sitiewe veroudering en vir die bemeeste-ring van veroudering word die fondamente in werklikheid al dekades vantevore gelê.
Die boek is nie ʼn handleiding wat op ʼn af-stand van die betrokkenes geskryf is nie. Inteendeel, dit is geskryf vanuit die skry-wer se eie ervarings as ouer persoon en sy besinning oor wat veroudering behels en beteken, gepaard met sy eie kennis van die mediese wetenskap en die filosofie.
Met inagneming van hierdie wye verskeidenheid van bronne, het die skrywer ver-oudering stelselmatig ondersoek en ʼn boek geskryf wat die leser kan meevoer. Hy beweeg rats tussen die bronne en insigte deur en skep ʼn teks wat die leser help om hierdie fase van die lewe beter te verstaan en te bestuur.
Ek kan die boek Bemeester Veroudering! hartlik aanbeveel vir ʼn wye verskeidenheid lesers. Immers, dit raak ons almal, nou of later.
LESERSINDRUK – Wilhelm Jordaan, emeritus professor in sielkunde; ‘n ontvanger van die Stalsprys vir sielkunde van die Suid-Afrikaanse Akademie vir Wetenskap en Kuns.
Verby is die tyd dat daar soetstroperig (en soms ietwat neerhalend) verwys word na “ons dierbare, liewe oumensies”; die “be-jaardes” – so asof ouer mense bloot “ko-miese wesens” is.
Dít is die sterk boodskap van Malcolm de Roubaix se boek, Bemeester Veroudering!: Ontsluit die geheime van ‘n florerende lewe. De Roubaix weet waarvan hy praat. Dit spreek duidelik uit dié omvattende en deurdringende ontleding van wat dit be-teken om ‘n “ouer mens” te wees in die verouderende wêreld waarin ons leef.
Die skrywer behandel belangrike temas van veroudering en ontleed dit sistematies en duidelik.
Daar is ook talle nuttige Bylaes, byvoor-beeld ‘n modelwet ter beskerming van ouer persone; voorbeelde van oefenpro-gramme en toepaslike terminologie.
Afgesien hiervan is dit ook ‘n lekkerlees-boek (plek-plek stouterig humoristies).
Wat belangrik is, is dat de Roubaix nie ‘n illusionêre beeld van die ouer mens met buitensporige aansprake optower nie.
Ons weet almal dat ouderdom die vuur van die siel en die veerkrag van die liggaam algaande steel, en daarom wy de Roubaix aandag aan wat hy die “vierde leeftyd” noem – wanneer jy wat ouer word, oud is en te doen het met werklike agteruitgang en siekte.